Skopye-2025: atıcılarımız finala vəsiqə qazana bilmədilər

21 iyul 2025 - 16:33 472

Bu gün EYOF-2025 çərçivəsində keçirilən güllə atıcılığı yarışlarına start verilib.

Yarışların ilk günündə Azərbaycan komandası da mübarizəyə başlayıb.

Leyli Əliyeva və Oleq Kerjankindən ibarət cütlüyümüz pnevmatik tapançadan 10 m məsafəyə atəşaçma yarışlarında hədəfi nişan alıb. "Partizan" idman zalında keçirilən yarışda cütlüyümüz 379.7 bal toplayıb. Komandamız bu nəticə ilə təsnifatda 16-cı yeri tutaraq final mərhələsinə vəsiqə qazana bilməyib.

Qeyd edək ki, reqlamentə görə bu mərhələdə ilk 8 yeri tutan komandalar finala vəsiqə əldə edib.