Sərbəst güləşçilərimiz lisenziya yarışında mübarizəyə başlayırlar
07 aprel 2024 99
Bakıda keçirilən güləş üzrə Avropa Olimpiya Təsnifat turnirinin sonuncu yarış gününə start verilib.
Sərbəst güləşçilərin mübarizə apardığı son gündə komandamızın beş üzvü xalça üzərinə çıxacaq.
Təmsilçilərimizdən Əliabbas Rzazadə (57 kq) təsnifat mərhələsində italiyalı Simone Piroddu ilə güləşəcək.
Hacı Əliyev (65 kq) eyni mərhələdə Fransanı təmsil edən Xamzat Arsamerzoyevlə qarşılaşacaq.
Turan Bayramov (74 kq) 1/8 finalda isveçrəli Tobias Portmannla qarşılaşacaq. Osman Nurmaqomedov (86 kq) isə ilk mərhələdə litvalı Domantas Pavluçenko ilə üz-üzə gələcək.
Mübarizəyə 1/4 finaldan qoşulacaq Georgi Meşvildişvili (125 kq) isə Abraham Konyedo (İtaliya) - Paris Karepi (Albaniya) cütünün qalibi ilə üz-qarsilasacaq.
Xatırladaq ki, ilk iki gündə 4 yunan-Roma və 5 qadın güləşçimiz mübarizə aparsa da onlardan heç biri mükafatçılar sırasına düşə bilməyib.
Bənzər xəbərlər
Azərbaycanın qadın boksçuları lisenziya turnirinə Qazaxıstanda hazırlaşacaqlar
Qadın boksçulardan ibarət Azərbaycan millisi Qazaxıstana yollanıb.
Yığma Almatı Olimpiya Hazırlıq ... Ətraflı
Ulu Öndər Heydər Əliyevin xatirəsinə həsr olunmuş futzal turnirinə yekun vurulub
UEFA-nın “Hat-Trick” proqramı çərçivəsində AFFA və Azərbaycan Texniki Universitetinin (AzTU) ... Ətraflı