Qış Olimpiya və Paralimpiya Oyunlarının maskotları təqdim olunub
08 fevral 2024 125
Fevralın 7-də 2026-cı ildə Milan və Kortina di Ampezzoda keçiriləcək qış Olimpiya və Paralimpiya Oyunlarının maskotları təqdim olunub. Təqdimat mərasimi Sanremo musiqi festivalı çərçivəsində təşkil edilib.
Maskotların seçimində İtaliyanın 82 məktəbinin şagirdləri iştirak ediblər. Ölkənin Katanzaro əyalətindəki məktəbin uşaqlarının çəkdiyi nümunələr münsiflər heyətinin daha çox rəğbətini qazanıb. Şagirdlər maskotların adlarını Oyunların keçiriləcəyi şəhər adlarından götürüblər. "Tina" Olimpiya Oyunlarının, bir pəncəsi əskik olan "Milo" isə Paralimpiya Oyunlarının maskotu seçilib. Onları eyni zamanda "Flo" adlı altı qar dənəciyi müşayiət edəcək.
Məlumat üçün bildirək ki, Milanda və Kortina di Ampezzoda Olimpiya Oyunları 2026-cı il fevralın 6-dan 22-dək, Paralimpiya oyunları isə martın 6-dan 15-dək keçiriləcək.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı