Yunan-Roma güləşçimiz Murad Məmmədov Paris-2024 Yay Olimpiya Oyunlarına lisenziya qazanıb. Pəhləvanımız bu uğura Türkiyənin İstanbul şəhərində keçirilən güləş üzrə lisenziya xarakterli Dünya Olimpiya Təsnifat turnirində nail olub. 60 kq çəki dərəcəsində mübarizə aparan güləşçimiz ilk görüşdə latviyalı Aleksandrs Yurkyansa, 1/8 finalda isə almaniyalı Kristofer Kramerə tam üstünlüklə (10:1) qalib gəlib. 1/4 finalda polşalı Mixal Trakza 5:1 hesabı ilə qalib gələn idmançımız yarımfinalda rumıniyalı Razvan Arnauta qalib gələrək Paris-2024-ə lisenziya əldə edib.

Bu, klassiklərimizin olimpiadaya üçüncü lisenziyasıdır.

Beləliklə, Azərbaycan idmançılarının Paris-2024-ə qazandığı rəsmi lisenziyaların sayı 19-a çatıb.