"Şahdağ" Turizm Mərkəzində keçirilən qar voleybolu üzrə Azərbaycan çempionatının finalçıları bəlli olub.

Şahdağa ezam olunan əməkdaşının məlumatına görə, yarışın ikinci günündə növbəti turunun oyunları baş tutub.

Qadınların mübarizəsində “Azərreyl” 9 xalla turnir cədvəlində birinci, “Murov Az Terminal” 5 xalla ikinci, “Gəncə” və U-21 komandaları isə hərəyə 2 xalla üçüncü və dördüncü yerləri tutublar. Kişi komandaları arasında isə 8 xalla “Azərreyl” birinci, 7 xalla “Murov Az Terminal” ikinci, 3 xalla U-21 üçüncü, xalı olmayan “Gənclər” dördüncü olub.

Reqlamentə görə ilk iki pillənin sahibləri çempionluq, 3-cü və 4-cü yeri tutan komandalar isə üçüncülük uğrunda oynayacaqlar.

26 yanvar

Qadınlar

“Azərreyl” - “Gəncə” 2:0 (15:12, 15:12)

“Murov Az Terminal” - U-21 2:1 (17:19, 15:12, 15:11)

Kişilər

“Azərreyl” - U-21 2:0 (15:8, 15:12)

“Murov Az Terminal” - “Gənclər” 2:0 (15:5, 15:6)

3- cü yer uğrunda oyunlar

14:30. “Gəncə” - U-21 (qadınlar)

15:15. U-21 - “Gənclər” (kişilər)

Final

16:00. “Azərreyl - “Murov Az Terminal” (qadınlar)

16:45. “Azərreyl” - “Murov Az Terminal” (kişilər)