Fransanın paytaxtı Parisdə keçirilən XXXIII Yay Olimpiya Oyunları davam edir.

Bu gün Azərbaycan komandasının 4 idmançısı Oyunlarda mübarizə aparacaq.

Təmsilçilərimizdən üçü yunan-Roma güləşi, biri isə taekvondo yarışlarında qüvvəsini sınayacaq.

Taekvondo yarışlarında ölkəmizi Qaşım Maqomedov təmsil edəcək. 58 kq çəki dərəcəsində dayanq üzərinə çıxacaq idmançımız 1/8 finalda irlandiyalı Cek Uolleylə qarşılaşacaq. İlk mərhələnin görüşlərinə Bakı vaxtı ilə saat 11:48-də start veriləcək.

Yunan-Roma güləşi yarışlarında isə iki idmançımız Həsrət Cəfərov (67 kq) və Rafiq Hüseynov (87 kq) 1/8 final görüşünə çıxacaq. H.Cəfərov ilk mərhələdə misirli Mohamed Elsayedlə qarşılaşacaq. Rafiq Hüseynov isə macarıstanlı David Loşontsi ilə üz-üzə gələcək. 1/8 final mərhələsinin görüşlərinə Bakı vaxtı ilə saat 11:30-da start veriləcək.

Axsam seansında isə yunan-Roma güləşçimiz Sənan Süleymanov (77 kq) bürünc medal uğrunda görüşə çıxacaq. Sənanın rəqibi təsəlliverici qarşılaşmalardan sonra müəyyənləşəcək. Bürünc medal uğrunda görüşlərə Bakı vaxtı ilə saat 19:30-da start veriləcək.