Azərbaycanın qadınlardan ibarət 3x3 basketbol millisi Honqkonqda təşkil olunan Olimpiya Təsnifat turnirində növbəti oyununu keçirib.

Azərbaycan Basketbol Federasiyasının mətbuat xidmətindən verilən məlumata görə, yığmamız B qrupunun üçüncü matçında Niderland kollektivi ilə üz-üzə gəlib.

Daha əvvəl yarımfinal mərhələsinə vəsiqəni təmin edən komandamız rəqibinə 11:15 hesabı ilə uduzub.

Qeyd edək ki, yarımfinal və həlledici oyunlar aprelin 14-də keçiriləcək. Turnirin qalibi Paris-2024 Yay Olimpiya Oyunlarına yeganə vəsiqəyə sahib çıxacaq.