Olimpiya mükafatçımız İslam Oyunlarında gümüş medal qazanıb

18 noyabr 2025 - 19:03 433

Azərbaycan komandası Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında növbəti medalını qazanıb.

Olympic.az xəbər verir ki, yunan-Roma güləşi yarışlarında çıxış edən Həsrət Cəfərov (67 kq) gümüş medala sahib çıxıb. Olimpiya mükafatçımız finalda İran təmsilçisi Səid İsmailiyə 3:8 hesabı ilə məğlub olaraq fəxri kürsünün ikinci pilləsində yer alıb.

Milli Olimpiya Komitəsinin vitse-prezidenti və İSSA-nın ikinci vitse-prezidenti Çingiz Hüseynzadə güləş yarışlarını oyunların keçirildiyi arenada izləyib.