Milli Olimpiya Komitəsinin kollektivi Şəhidlər xiyabanını ziyarət edib

20 yanvar 2025 682

Azərbaycan tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən 35 il ötür. 20 Yanvar - Ümumxalq Hüzn Günü ilə əlaqədar bu gün Milli Olimpiya Komitəsinin vitse-prezidenti Zemfira Meftaxetdinova, MOK-un idman idarəsinin rəisi Həsənağa Rzayev, Olimpiya çempionları və MOK-un kollektivi Şəhidlər xiyabanını ziyarət edib.

Azərbaycanın azadlığı, müstəqilliyi və ərazi bütövlüyü uğrunda mübarizədə canlarını fəda etmiş qəhrəman Vətən övladlarının məzarları üzərinə tər qərənfillər düzülüb, onların xatirəsi ehtiramla yad olunub.