Bakıda yelkən üzrə ənənəvi Federasiya Kuboku yarışları keçirilib
24 sentyabr 2023 190
Bakıda Azərbaycan Yelkən Federasiyasının təşkilatçılığı və ASCO (Azərbaycan Xəzər Dəniz Gəmiçiliyi) QSC-nin dəstəyi ilə "SFA Federasiya Kuboku 2023" yarışları keçirilib.
Yarışlar Optimist, ILCA və Windsurf sinifləri üzrə 22-24 sentyabr tarixləri arasında “Ramada by Wyndham Baku” sahilində yerləşən SFA yelkən mərkəzində baş tutub.
Mükafatlandırma mərasimində Optimist üzrə dünya çempionatına və ILCA 4 üzrə Avropa çempionatına qatılmış millimizin üzvlərinə, cari il üzrə yay məktəbinin iştirakçılarına, komandaya yeni seçilən idmançılara və "SFA Federasiya Kuboku 2023"-ün qaliblərinə kubok, diplom və sertifikatlar təqdim olunub.
Tədbirdə Azərbaycan Yelkən Federasiyasının prezidenti Qüdrət Qurbanov, Azərbaycan Xəzər Dəniz Gəmiçiliyi, Qapalı Səhmdar Cəmiyyəti sədrinin müavini Zaur Nağıyev və federasiyanın vitse-prezidenti Burcu Alqon Giorgianni çıxış ediblər.
Həmçinin 2022-ci il üzrə Federasiya Kubokunu qazanan idmançıların adları xatirə lövhəsində əks olunub.
Qeyd edək ki, "SFA Federasiya Kuboku” altıncı ildir ənənəvi şəkildə keçirilir.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı