Azərbaycanın voleybol yığmaları Qızıl Avropa Liqasında iştirak edəcəklər
13 dekabr 2023 211
Kişi və qadın voleybolçulardan ibarət Azərbaycan milli komandaları Qızıl Avropa Liqasında iştirak edəcəklər.
Yarış 2024-cü ildə mayın 17-dən iyunun 16-dək təşkil olunacaq.
Avropa Voleybol Konfederasiyasının yeni qaydalarına uyğun olaraq iştirakçılar reytinqə əsasən liqalara bölünüblər. Yüksək reytinqə malik komandalar Qızıl Avropa Liqasında, nisbətən aşağı reytinqli kollektivlər isə Gümüş Avropa Liqasında mübarizə aparırlar.
Azərbaycanın qadın voleybolçulardan ibarət millisi reytinq cədvəlinin 20-ci, kişilərdən ibarət yığması isə 26-cı yerdə qərarlaşıb. Həm qadınların, həm də kişilərin mübarizəsində 12 ölkənin komandası mübarizə aparacaq. Yeni reqlamentə əsasən, bir turnir cədvəli olacaq və ilk 4 yeri tutan yığmalar “dördlər finalı”na yüksələcəklər.
Artıq Azərbaycan yığmalarının rəqibləri də bəllidir.
Kişilər: Azərbaycan, Ukrayna, Belçika, Portuqaliya, Çexiya, Rumıniya, Finlandiya, Xorvatiya, İspaniya, Makedoniya, Estoniya, Lüksemburq.
Qadınlar: Azərbaycan, Belçika, Çexiya, Slovakiya, Sloveniya, İsveç, İspaniya, Rumıniya, Xorvatiya, Avstriya, Estoniya, Ukrayna.
Qeyd edək ki, qadınların yarışında “dördlər finalı”na Çexiya ev sahibliyi edəcək. Kişilər arasında yarışı qəbul edəcək ölkə isə hələlik bəlli deyil.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı