Azərbaycanın stolüstü tennisçiləri nüfuzlu turnirdə iki medal qazanıblar
01 mart 2024 148
Azərbaycanın stolüstü tennisçiləri Əlcəzairdə keçirilən dünya seriyalı “WTT Youth Contender” turnirində iki medal qazanıblar.
Yığma üzvlərindən Onur Quluzadə qızıl, Yağmur Məmmədli isə bürünc mükafatın sahibi olub.
13 yaşadək idmançıların mübarizəsində qrup mərhələsini inamla adlayan O.Quluzadə digər rəqiblərini də üstələyərək finala yüksəlib. Həlledici görüşdə Səudiyyə Ərəbistanı idmançısına da qalib gələn tennisçi yarışın qızıl medalına layiq görülüb.
Eyni yaş qrupunda bacarığını göstərən Yağmur Məmmədli qrupda rəqiblərini mübarizədən kənarlaşdırdıqdan sonra növbəti mərhələlərdə də inamlı çıxış edərək finala adlayıb. Son qarşılaşmada isə Özbəkistan təmsilçisinə uduzan Y.Məmmədli fəxri kürsünün ikinci pilləsinə qalxıb.
Qeyd edək ki, “WTT Youth Contender” yeniyetmə və gənc stolüstü tennisçilərin ən nüfuzlu turnirlərindən sayılır.
Bənzər xəbərlər
Azərbaycanın qadın boksçuları lisenziya turnirinə Qazaxıstanda hazırlaşacaqlar
Qadın boksçulardan ibarət Azərbaycan millisi Qazaxıstana yollanıb.
Yığma Almatı Olimpiya Hazırlıq ... Ətraflı
Ulu Öndər Heydər Əliyevin xatirəsinə həsr olunmuş futzal turnirinə yekun vurulub
UEFA-nın “Hat-Trick” proqramı çərçivəsində AFFA və Azərbaycan Texniki Universitetinin (AzTU) ... Ətraflı