Azərbaycanın iki boksçusu Avropa çempionatına qələbə ilə başlayıb
24 iyun 2024 94
![](/news/1719216782.17192107213697048169_1200x630.jpg)
Bosniya və Herseqovinanın paytaxtı Sarayevoda yeniyetmə boksçular arasında Avropa çempionatına start verilib.
Milli komandanın 2 idmançısı yarışa qələbə ilə başlayıb.
Kənan Aslanlı (63 kiloqram) 1/16 finalda Uilliam Murla (İngiltərə) qarşılaşıb. Döyüş 4:1 (29:27, 28*:28, 28*:28, 27:29, 28*:28) hesabı ilə boksçumuzun xeyrinə yekunlaşıb. K.Aslanlı ikinci görüşündə irlandiyalı Eduard Hartla üz-üzə gələcək.
Adil Zalov (66 kiloqram) da adını 1/8 finala yazdırıb. O, startda Luka Mazanaşvilini (Gürcüstan) mübarizədən kənarlaşdırıb – 3:1 (27:29, 30:26, 29:27, 28:28, 29:27). A.Zalov da növbəti döyüşündə irlandiyalını sınağa çəkəcək. Onun rəqibi Con Maher olacaq. Hər 2 görüş iyunun 25-də baş tutacaq.
Qeyd edək ki, yarış iyunun 30-da başa çatacaq.
Bənzər xəbərlər
![](/news/1719558552.tjpg-1719494768 (1).jpg)
Taekvondoçularımız “Asiya uşaqları” yarışında 4 medal qazandılar
Azərbaycan taekvondoçuları Rusiyanın Yakutsk şəhərində keçirilən “Asiya uşaqları” VIII Beynəlxalq ... Ətraflı
![](/news/1719558834.14.jpg)
Azərbaycan karateçisi Xorvatiyada bürünc medal qazanıb
Azərbaycan karateçisi Aysu Əliyeva Xorvatiyanın Poreç şəhərində keçirilən “Karate 1” ... Ətraflı