Azərbaycan nümayəndə heyəti VI İslam Həmrəyliyi Oyunlarında paraddan birinci keçib

07 noyabr 2025 - 20:43 542

Səudiyyə Ərəbistanının paytaxtı Ər-Riyad şəhərində VI İslam Həmrəyliyi Oyunlarının açılış mərasimi davam edir.

Əl-Cənadriyah Hipodromunda təşkil olunan tədbirdə idmançıların rəsmi paradı olub.

Azərbaycan nümayəndə heyəti paraddan birinci keçib.

Paradda üçrəngli Azərbaycan bayrağını ağırlıqqaldırma üzrə idmançımız Dadaş Dadaşbəyli və voleybolçu Nilufər Ağazadə aparıb.

Qeyd edək ki, Azərbaycanı yarışda 20 idman növündə 169 idmançı təmsil edir. Ümumilikdə isə 57 ölkə 23 növdə medallar uğrunda mübarizə aparır.

Oyunların bağlanış mərasimi noyabrın 21-də baş tutacaq.

Bənzər xəbərlər

Bu gün Azərbaycan Milli Olimpiya Komitəsinin vitse-prezidenti, İslam Həmrəyliyi İdman ... Ətraflı

İyulun 16-da cüdo üzrə böyüklər arasında dünya çempionatına hazırlıq və ... Ətraflı