Azərbaycan komandası VI İslam Həmrəyliyi Oyunlarında növbəti qızıl medalını qazandı

10 noyabr 2025 - 18:35 477

Azərbaycan komandası Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında növbəti qızıl medalını qazanıb.

Olympic.az xəbər verir ki, Azərbaycanın cüdo üzrə millisi qarışıq komanda yarışlarının finalında Özbəkistan yığmasına qalib gələrək fəxri kürsünün ən yüksək pilləsinə qalxıb.

Qeyd edək ki, mübarizəyə 1/4 finaldan başlayan komandamız ilk mərhələdə Səudiyyə Ərəbistanı yığmasına 4:0, yarımfinalda isə Qazaxıstan seçməsinə 4:1 hesabı ilə qalib gəlib.

Bununla da Ər-Riyad-2025-in cüdo yarışlarına yekun vurulub.

Qeyd edək ki, Azərbaycan cüdoçuları yarışların əvvəlki günlərində keçirilən fərdi yarışlarda 2 qızıl, 2 gümüş və 5 bürünc medal qazanmışdılar.