Azərbaycan boksçuları beynəlxalq turnirdə mübarizə aparacaqlar
04 mart 2024 127
Azərbaycan boksçuları Monteneqronun Budva şəhərində keçiriləcək gənclər arasında ənənəvi “Adriatik incisi” turnirində iştirak edəcəklər.
Martın 5-də start götürəcək yarışda millinin 11 üzvü mübarizə aparacaq.
Turnirdə yığmanın baş məşqçisi Elbrus Rzayev və məşqçi Elvin Məmişzadənin rəhbərliyi altında Bilalhəbəşi Nəzərov (48 kiloqram), Zidan Hümbətov (51 kiloqram), Məhəmmədəli Aşurəliyev (57 kiloqram), İbrahim Zeynalov (63,5 kiloqram), Hüseyn Hacıyev (67 kiloqram) və Ziya Həsənov (71 kiloqram) qüvvələrini sınayacaqlar.
Qızların yarışında isə məşqçi Anar Baxışovun rəhbərliyi ilə Lalə Mədətova (48 kiloqram), Nərmin Əlizadə (50 kiloqram), Aynur Mikaylov (54 kiloqram), Qızbəs İsgəndər (57 kiloqram) və Emili Rzayeva (63 kiloqram) rinqə çıxacaqlar.
“Adriatik inci”sində Azərbaycanı hakim kimi Rövşən Qədirov təmsil edəcək.
Bu gün səfərə yollanan yığma martın 11-də Bakıya qayıdacaq.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı