Atletlərimiz Paris-2024-ə lisenziya yarışında uğurla çıxış ediblər
28 aprel 2024 84
Türkiyənin Antalya şəhərində atletika üzrə “Olimpik deneme” yarışı keçirilir.
Azərbaycan Atletika Federasiyasının mətbuat xidmətindən verilən məlumata görə, Paris-2024 Yay Olimpiya Oyunlarına lisenziya xarakterli yarışın ilk günündə uzunluğa tullanma növündə Nazim Babayev 7.56 metr göstərici ilə bütün rəqiblərini qabaqlayaraq fəxri kürsünün ən yüksək pilləsinə qalxıb. Digər təmsilçimiz Orxan Aslanov üçüncü yeri tutub. 100 metr məsafəyə qaçışda Lamiyə Vəliyeva birinci yerə layiq görülüb. Kişilər arasında 100 metr məsafəyə qaçışda isə Əlhəm Nağıyev ikinci nəticə göstərib.
Qeyd edək ki, yarışda Türkiyənin 36 şəhərindən olan atletlərlə yanaşı, Azərbaycan, Polşa, Böyük Britaniya, Özbəkistan və Moldova idmançıları mübarizə aparır.
Antalyada keçirilən Beynəlxalq Atmalar Kubokunda isə İsmayıl Əliyev uğurlu nəticə əldə edib. Milli komandamızın üzvü nüvə itələmə növündə 16.59 metr göstərici ilə üçüncü yeri tutub. Lisenziya xarakterli bu yarışda Azərbaycan, Moldova, Bəhreyn, Əlcəzair və Türkiyənin 13 şəhərindən atletlər iştirak edib.
Bənzər xəbərlər
“Heydər Əliyev Kuboku-2024”: 11 boksçumuz yarımfinala vəsiqə qazandı
Bakıda keçirilən yeniyetmə boksçular arasında “Heydər Əliyev Kuboku-2024” beynəlxalq turniri ... Ətraflı
Basketbol Liqasında final seriyasına start verilir
Bu gün Azərbaycan Basketbol Liqasında final seriyasının ilk oyununa star ... Ətraflı