Xəbərlər

Səudiyyə Ərəbistanın ər-Riyad şəhərində İslam Həmrəyliyi İdman Federasiyasının Baş Assambleyasında Azərbaycan nümayəndə heyəti iştirak edir

18 noyabr 2017 222

18 – 22 noyabr 2017-ci il tarixində adı çəkilən təşkilatın İcraiyyə Komitəsinin iclası və Baş Assambleya keçirilir.

Təbdirdə İHİF-in sədri Zati-aliləri Turki bin Abdulmohsen Al-Alsheikh, baş katib Zati-aliləriYousef bir Ahmad Al-Othaimeen, vitse-prezident Hamad Kalkaba Malbaoum və icraiyyə üzvləri iştirak edəcəkdir. Azərbaycanı assambleyada Milli Olimpiya Komitəsinin (MOK) və İHİF-in vitse-prezidenti Çingiz Hüseynzadə, MOK-un Beynəlxalq Əlaqələr İdarəsinin rəisi Anar Bağırov və Marketinq idarəsinin rəisi Mehman Kərimov təmsil edirlər.

Bu il adı çəkilən təşkilatın Baş Assambleyasında müxtəlif mühüm məsələlərlə yanaşı 2017-2021-ci illər üzrə İHİF-in İcraiyyə Komitəsinin üzvləri seçiləcəkdir. Qeyd edək ki, Çingiz Huseynzadə artıq 3-cü dəfə İHİF-in İcraiyyə Komitəsinin üzvü və vitse-prezidenti seçilmişdir və növbəti, 6-cı İK-nin üzvü kimi seçilmək üçün öz namizədliyini irəli sürmüşdür.

Tədbir çərçivəsində adı çəkilən təşkilatın 2013-2017-ci illər üzrə məruzə çıxışları gözlənilir. Həmçinin, növbəti 2018 və 2019-cu illər üçün planlar və proqramlar müzakirə olunacaq. 2021-ci ildə keçiriləcək İslam Həmrəylik Oyunlarının təqdimatı İHİF-in Baş Assambleyası çərçivəsində keçiriləcək. Bakı 2017 İslam Həmrəylik Oyunlarının təqdimatı və məruzə çıxışları ediləcəkdir.

Xatırladaq ki, növbəti İslam Həmrəyliyi İdman Federasiyasının 11-ci Baş Assambleyasının baş tutacağı ölkənin adı da açıqlanacaqdır.