Qaşım Maqomedova Paris-2024-ün gümüş medalı təqdim edildi

07 avqust 2024 - 18:27 3369

XXXIII Yay Olimpiya Oyunları çərçivəsində taekvondo yarışlarının ilk günündə medal qazanan idmançıların mükafatlandırma mərasimi keçirilib.

Mərasimdə ikinci yeri tutan idmançımız Qaşım Maqomedova (58 kq) Paris-2024-ün gümüş medalı təqdim edilib.

Qeyd edək ki, mübarizəyə 1/8 finaldan başlayan takevondoçumuz ardıcıl olaraq irlandiyalı Cek Uolleyə, ispaniyalı Adrian Visenteyə və italiyalı Olimpiya çempionu Vito Dellakvilaya qalib gələrək finala vəsiqə qazanıb. Həlledici görüşü zədə səbəbindən başa vura bilməyən idmançımız gümüş mükafata sahib çıxıb.

Bu, Azərbaycanın müstəqillik əldə etdikdən sonra taekvondo yarışlarında qazandığı ikinci medaldır.

Buna qədər isə Rio-2016 Yay Olimpiya Oyunlarında Radik İsayev (+80 kq) qızıl medal qazanmışdı.