“Qarabağ” klubuna çempionluq kuboku təqdim olunub
29 may 2023 407
Futbol üzrə Azərbaycan Premyer Liqasının 2022-2023-cü il mövsümünə yekun vurulub.
“Azersun Arena”da keçirilmiş sonuncu – XXXVI turun “Qarabağ” – “Turan Tovuz” oyunundan sonra mövsümün qaliblərinin mükafatlandırma mərasimi təşkil olunub.
Əvvəlcə Azərbaycan çempionatına sponsorluq etdiyinə görə “Misli” ASC-nin baş direktoru Osman Karakuşa Peşəkar Futbol Liqası tərəfindən xüsusi hədiyyə təqdim olunub. Həmçinin 22 qolla Premyer Liqanın 2022-2023-cü il mövsümünün ən məhsuldar oyunçusu olan “Qarabağ” klubunun üzvü Ramil Şeydayev xüsusi mükafata layiq görülüb.
Mövsümü mükafatçılar sırasında başa vurmuş “Neftçi”, “Sabah” və “Qarabağ” komandaları müvafiq olaraq bürünc, gümüş və qızıl medallarla mükafatlandırılıblar.
Mükafatlandırma mərasimində AFFA-nın prezidenti Rövnəq Abdullayev, Peşəkar Futbol Liqasının prezidenti Elxan Səmədov və assosiasiyanın baş katibi Sərxan Hacıyev iştirak ediblər.
Mərasimin sonunda “Qarabağ” komandasına çempionluq kuboku AFFA-nın prezidenti Rövnəq Abdullayev tərəfindən təqdim olunub.
Bənzər xəbərlər
Avropa çempionatı: Bu gün daha üç cüdoçumuz mübarizəyə başlayır
Bu gün Xorvatiyanın paytaxtı Zaqrebdə keçirilən cüdo üzrə böyüklər arasında ... Ətraflı
Taekvondoçularımız Prezident kubokunda mübarizə aparacaq
Aprelin 26-da Estoniyanın paytaxtı Tallinndə taekvondo üzrə Prezident kubokuna start ... Ətraflı