“Qadınlara və qızlara qarşı zorakılığa son!” şüarı altında veloyürüş keçirilib
27 noyabr 2022 433
Noyabrın 27-də Azərbaycan Velosiped Federasiyasının təşkilatçılığı ilə Qadın Zorakılığına qarşı Beynəlxalq Mübarizə Gününə (25 noyabr) həsr olunmuş veloyürüş keçirilib.
“Qadınlara və qızlara qarşı zorakılığa son!” şüarı altında baş tutan veloyürüşdə Binəqədi Gənclər Evi, müxtəlif gənclər təşkilatları və Azərbaycan milli komandasının xanım üzvləri, həmçinin həvəskar xanım velosipedçilər iştirak ediblər.
40-a yaxın velosipedçinin qatıldığı yürüşə “Azneft” dairəsindən start verilib.
İştirakçılar müəyyən olunmuş marşrutla hərəkət edərək Heydər Əliyev Mərkəzinin qarşısında veloyürüşü başa vurublar.
Veloyürüşdən sonra xatirə şəkli çəkdirilib.
Qeyd edək ki, Birləşmiş Millətlər Təşkilatı Baş Assambleyasının 1999-cu il 17 dekabr tarixli qərarına əsasən, noyabr ayının 25-i bütün dünyada Qadın Zorakılığına Qarşı Beynəlxalq Mübarizə Günü elan edilib.
Bənzər xəbərlər
"Bakının dünyanın idman paytaxtı olması üçün namizədliyi irəli sürülüb"
Bakının 2026-cı il üçün dünyanın idman paytaxtı olması üçün namizədliyi ... Ətraflı
Huqo Alanso Kastanon: Bakı ən azı 80-dən artıq bal toplamalıdır ki, 2026-cı ilin idman paytaxtı kimi təsdiqlənsin
“Bakının 12 kateqoriyaya əsasən dünyanın idman paytaxtına namizədliyi irəli sürülüb”.
Bu ... Ətraflı