LİTVA NÜMAYƏNDƏ HEYƏTİ BAKIDA İDMAN QURĞULARI İLƏ TANIŞ OLUB
06 mart 2024 99
Azərbaycanda səfərdə olan Litvanın Milli İdman Agentliyinin icraçı direktoru Mindauqas Spokas, agentliyin infrastruktur şöbəsinin müdiri Rimantas Serksnas, Təhsil və İdman Nazirliyinin müşaviri Dalia Qalnaitite martın 4-5-də Bakıda bir sıra idman qurğularının fəaliyyəti ilə maraqlanıblar.
Səfər zamanı Azərbaycan Gimnastika Federasiyasının mövcud vəziyyəti ilə tanış olan qonaqlar mütəxəssislərlə görüşüb. Sonra Bakı Atıcılıq Mərkəzi ilə tanışlıq zamanı buradakı şərait, qarşıda duran işlər barədə mütəxəssislərlə fikir mübadiləsi aparıblar. Heydər Əliyev adına İdman-Konsert Kompleksində buz meydançasına da baxış keçirilib.
Qonaqlar 5 Mart - Bədən Tərbiyəsi və İdman Günü münasibətilə Qubada keçirilən idman paradında iştirak ediblər. Daha sonra "Şahdağ" Turizm Mərkəzində infrastruktur imkanları, keçiriləcək yarışlar və gələcək layihələr haqqında fikir mübadiləsi aparıblar.
Qonaqlar həmçinin Su İdmanı Sarayının fəaliyyəti ilə tanış olublar. Onlara burada fəaliyyət göstərən infrastruktur imkanları, gənclərin şəxsi inkişafı və asudə vaxtının təşkili üçün keçirilən layihələr barədə məlumat verilib.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı