Karate millimiz Avropa üçüncüsü oldu
23 may 2021 812
Xorvatiyanın Poreç şəhərində keçirilən 56-cı Avropa çempionatının son günündə karatenin kumite növü üzrə kişilərdən ibarət millimiz daha bir medal qazanıb.
Rafael Ağayev, Turqut Həsənov, Ayxan Mamayev, Rafiz Həsənov, Asiman Qurbanlıdan ibarət komandamız bürünc medal uğrunda görüşdə Rusiya millisinə qalib gələrək altıncı dəfə qitə çempionatının bürünc medalına yiyələnib.
Bununla, Azərbaycan yarışı dörd medalla başa vurub. Millimizin bürünc medalından başqa, Rafael Ağayev (-75 kq) və Pənah Abdullayev (-84 kq) gümüş, İrina Zaretskaya (-68 kq) isə qızıl medal qazanıb. Bu nəticə ilə Azərbaycan Avropanın dördüncü ən yaxşı nəticə göstərən ölkəsi olub. Ən yüksək nəticəni isə Türkiyə göstərib: altı qızıl, iki gümüş və bir bürünc medal.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı