3 noyabr 2015-ci il tarixində Bulvar hotelində İslam Həmrəylik İdman Federasiyasının İcraiyyə Komitəsinin iclası keçirildi.

İclasda Səudiyyə Ərəbistan Olimpiya Komitəsinin baş katibi zati ailələri Faisal Abdulaziz Al Nassar və İcraiyyə Komitəsinin üzvləri, həmçinin , Milli Olimpiya Komitəsinin vitse-prezidenti və İslam Həmrəylik İdman Federasiyasının vitse-prezidenti Çingiz Hüseynzadə, İslam Həmrəyliyi İdman Federasiyasının İcraiyyə Komitəsinin üzvü Könül Nurullayeva və digər nümayəndələr iştirak etdilər.

İclas müddətində növbəti Əlaqələndirmə Komissiyasının keçirilmə tarixləri və qarşıda görüləcək işlər qeyd olundu. Həmçinin, Bakıda keçiriləcək IV İslam Həmrəyliyi Oyunlarının yarış tarixləri, oyun növləri müzakirə olunacaq məsələlər sırasındadır.

Xatırladaq ki, 4 noyabr tarixində İslam Həmrəylik İdman Federasiyasının 9-cu Baş Assambleyanın iclası keçiriləcəkdir.