III Avropa Oyunlarının maskotu müəyyənləşib
02 noyabr 2022 606
2023-cü ildə Polşanın Krakov və Malapolska şəhərlərinin ev sahibliyi edəcəkləri üçüncü Avropa Oyunlarının ikinci maskotu ictimaiyyətə təqdim olunub. Ötən həftə baş tutan müsabiqədə "Krakuşek” adlı əjdaha maskot olaraq təsdiqlənsə də, daha sonra "Salamandra Sandra” da ikinci maskot kimi seçilib.
Qara və qızılı rəngləri özündə əks etdirən "Salamandra Sandra” adlı kərtənkələ internet istifadəçilərinin səsverməsində cüzi fərqlə məğlub olsa da, təşkilatçılar tərəfindən qəbul edilib.
"Salamandra Sandra”nın dizayneri 10 yaşlı Qloriya Qorik adlı qızdır.
Hər iki maskotun ortaq şüarı isə "Biz birlikdəyik!” olacaq.
Krakov və Malopolskada keçiriləcək Avropa Oyunlarının açılışı mərasimi gələn il iyunun 23-də keçiriləcək.
Yarışda 25 idman növü üzrə proqram təsdiqlənib. Təşkilatçılar güləşin də bura əlavə oluna biləcəyinə ümid edirlər.
Qeyd edək ki, ilk Avropa Oyunlarına 2015-ci ildə Azərbaycan ev sahibliyi edib.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı