Gənclər və idman nazirinin Pekin Olimpiadasına səfəri bu gün başa çatıb
15 fevral 2022 803
Gənclər və idman naziri Fərid Qayıbovun Çin Xalq Respublikasına üç günlük səfəri bu gün başa çatır. Səfər müddətində Fərid Qayıbov Pekin Qış Olimpiya Oyunlarında müxtəlif idman növləri üzrə yarışları izləyib. Oyunlarda ölkəmizi təmsil edən idmançılarımız Vladimir Litvintsev və Yekaterina Ryabova ilə görüşüb.
Səfər çərçivəsində nazir Fərid Qayıbov bir sıra beynəlxalq görüşlər də keçirib. O cümlədən, bu gün Çin Xalq Respublikası idman nazirinin müavini, Çinin Olimpiya Komitəsinin vitse-prezidenti Li Yunqçuanla görüşüb. İki ölkə arasında idman sahəsində əməkdaşlıq məsələləri və Qış Olimpiya Oyunlarının təşkili müzakirə olunub. Görüşdə Pekin-2022-də Olimpiya komandamızın missiya rəhbəri Anar Bağırov da iştirak edib.
Fevralın 15-də mübarizəyə başlayan fiqurlu konkisürənimiz Yekaterina Ryabovanın Olimpiya Oyunlarındakı çıxışını izləyən nazir Fərid Qayıbovun Pekinə səfəri bu gün başa çatacaq.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı