Fərid Qayıbov beynəlxalq yarışlarda uğur qazanan idmançılarla görüşüb
10 yanvar 2024 126
Gənclər və idman naziri Fərid Qayıbov ötən ay ərzində qitə və dünya çempionatlarında, nüfuzlu beynəlxalq yarışlarda Azərbaycanı uğurla təmsil etmiş idmançılar və onların məşqçiləri ilə görüşüb.
Nazirliyin mətbuat xidmətindən verilən məlumata görə, Milli Gimnastika Arenasında təşkil edilən görüş Dövlət Himninin səsləndirilməsi ilə başlanıb.
Ardınca “Azərbaycan Respublikasının İdman Ustası” dərəcəsinə layiq görülmüş bəzi idmançılara müvafiq vəsiqə və döş nişanları təqdim edilib.
Daha sonra Fərid Qayıbov beynəlxalq arenalarda uğur qazanan idmançıları təbrik edib və yeni uğurlar arzulayıb.
Ay ərzində yarışlarda əldə olunmuş nailiyyətləri əks etdirən videoçarx nümayiş olunub.
Batut gimnastikası, cüdo, karatenin WKF, kyokuşin, aşihara koşiki və kudo növləri, MMA, taekvondo, parataekvondo, paracüdo və stolüstü tennis idman növlərinin təmsilçiləri çıxış etdikləri yarışlar, qazandıqları qələbələr barədə məlumat veriblər. Yığma komandaların məşqçiləri isə idmançıların hazırlıq prosesi və uğurları barədə danışıblar.
Görüşdə nazir müavini Mariana Vasileva da iştirak edib.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı