Dünya Güləş Birliyindən qeyri-adi qərar
16 noyabr 2023 187
Dünya Güləş Birliyi bu il sentyabr ayında Belqradda keçirilən böyüklər arasında dünya çempionatının 87 kq çəki dərəcəsində final görüşünün nəticəsi də daxil olmaqla bir sıra vacib məsələləri müzakirə etmək üçün İsveçrədə bir araya gəlib.
Müzakirələr zamanı görüşün nəticəsini dəyişdirən ciddi hakim səhvinə yol verildiyi qəbul edilib.
Mütəxəssislərin hərtərəfli təhlilindən sonra, mövcud güləş qaydalarına əsasən, macarıstanlı David Loşontsiya tərəfindən rəqibə qarşı tətbiq edilən fənd hakimin qərarı ilə təsdiq edilməli idi.
Mütəxəssislərin təhlilinə əsasən, hakim səhvinin danılmaz olduğu nəzərə alınaraq, ali qurum ədalətin yerini tapması üçün bu yaş kateqoriyasında David Loşontsiyaya da qızıl medal verilməsini tələb edib.
Beləliklə, yunan-Roma güləşi üzrə 87 kq çəki dərəcəsində hər iki idmançıya - türkiyəli Ali Cengiz və macarıstanlı David Loşontsiya qızıl medal verilib.
Həmçinin bu kateqoriya üzrə yekun sıralama dəyişdiriləcək və müvafiq reytinq xalları D.Loşontsiyaya da veriləcək.
Bənzər xəbərlər
Azərbaycanın qadın boksçuları lisenziya turnirinə Qazaxıstanda hazırlaşacaqlar
Qadın boksçulardan ibarət Azərbaycan millisi Qazaxıstana yollanıb.
Yığma Almatı Olimpiya Hazırlıq ... Ətraflı
Ulu Öndər Heydər Əliyevin xatirəsinə həsr olunmuş futzal turnirinə yekun vurulub
UEFA-nın “Hat-Trick” proqramı çərçivəsində AFFA və Azərbaycan Texniki Universitetinin (AzTU) ... Ətraflı