Çingiz Hüseynzadə: Tələbə idmançılarımızın XXXI Yay Universiadasında yaxşı nəticələr əldə edəcəyinə inanıram
25 may 2023 181
Azərbaycan idmançıları Yay Universiadalarında uğurla çıxış ediblər. Atletlərimizin hesabında qızıl medallar da var.
Bu sözləri Azərbaycan Milli Olimpiya Komitəsinin vitse-prezidenti Çingiz Hüseynzadə AZƏRTAC-a açıqlamasında deyib.
Vitse-prezident qeyd edib ki, idmanın atletika növündə bir neçə qızıl medalımız, hətta ikiqat universiada çempionlarımız da var. Bu il Çində keçiriləcək XXXI Yay Universiadasında da idmançılarımızın iştirakı nəzərdə tutulub. Universiadada tələbə idmançılar iştirak edir və Azərbaycanda pandemiya ilə əlaqədar olaraq tələbə idmanı bir az zəifləyib. Pandemiya dövründə uzun müddət ali təhsil müəssisələri çalışmadı. Ancaq inanıram ki, tələbə idmançılarımız bu il keçiriləcək universiadada yaxşı nəticələr əldə edəcəklər.
Qeyd edək ki, XXXI Yay Universiadası iyulun 28-dən avqustun 8-dək Çinin Çendu şəhərində keçiriləcək.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı