Bakıda voleybol məşqçiləri üçün növbəti beynəlxalq seminara start verilib
11 sentyabr 2023 311
Bu gün Bakıda voleybol məşqçiləri üçün növbəti beynəlxalq seminara start verilib.
Beynəlxalq Voleybol Federasiyası (FIVB) və AVF-nin birgə təşkilatçılığı ilə baş tutan FIVB-nin Level iki seminarı sentyabrın 15-dək davam edəcək. Burada yerli və xarici mütəxəssislər iştirak edəcəklər.
Gənclər və İdman Nazirliyinin Voleybol Mərkəzində təşkil olunan seminara rəhbərliyi türkiyəli Cengiz Akarçeşmə edir, onun assistenti isə daha öncə FIVB-nin məşqçilik sertifikatını almış, çimərlik voleybolu üzrə məşqçi olan Nihad Tanriverdiyevdir.
Seminar nəzəriyyə və təcrübədən ibarətdir. Seminarın son günü imtahan təşkil ediləcək və bu mərhələni uğurla keçəcək mütəxəssislərə FIVB-nin Level 2 dərəcəli beynəlxalq sertifikatı veriləcək.
Nəzərinizə çatdıraq ki, 3-7 iyul tarixlərində Bakıda FIVB-nin Level 1 seminarı keçirilib. Cari ilin noyabr ayında isə ölkəmizdə FIVB Level 3 beynəlxalq seminarının təşkili nəzərdə tutulub.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı