Azərbaycanın titullu karateçisinin Parisdəki yarışa qatılmamasının səbəbi bəlli olub
25 yanvar 2024 228
Qadın karateçilərdən ibarət Azərbaycan yığmasının lideri İrina Zaretskanın Fransanın paytaxtı Parisda keçiriləcək Premyer Liqa turnirində iştirak edə bilməməsinin səbəbi bəlli olub.
Azərbaycan Karate Federasiyanın (AKF) idarə heyətinin üzvü Yaşar Bəşirovun verdiyi məlumata görə, 28 yaşlı idmançı zədəli olduğu üçün yarışdan kənarda qalıb.
AKF rəsmisi üçqat dünya çempionunun hazırlıq prosesində zədə aldığını bildirib: “Bizə zəng vurdu və yarışı buraxacağını bildirdi. Əlbəttə ki, onun yoxluğu komandamız üçün ciddi itkidir”.
Qeyd edək ki, Azərbaycan millisi yanvarın 26-28-də keçiriləcək Premyer Liqa turnirində 7 karateçi ilə təmsil olunacaq. Kişilərin yarışında Tural Ağalarzadə (67 kiloqram), Əminağa Quliyev və Fərid Savadov (hər ikisi 60 kiloqram), Turqut Həsənov (84 kiloqram), Asiman Qurbanlı (+84 kiloqram), qadınların mübarizəsində isə Fidan Teymurova (50 kiloqram) və Mədinə Sadıqova (55 kiloqram) qüvvəsini sınayacaq.
Bənzər xəbərlər
Azərbaycanın qadın boksçuları lisenziya turnirinə Qazaxıstanda hazırlaşacaqlar
Qadın boksçulardan ibarət Azərbaycan millisi Qazaxıstana yollanıb.
Yığma Almatı Olimpiya Hazırlıq ... Ətraflı
Ulu Öndər Heydər Əliyevin xatirəsinə həsr olunmuş futzal turnirinə yekun vurulub
UEFA-nın “Hat-Trick” proqramı çərçivəsində AFFA və Azərbaycan Texniki Universitetinin (AzTU) ... Ətraflı