Azərbaycan Yüksək Liqasında ikinci dövrənin ilk turu keçirilib
17 fevral 2022 1053
![](/news/1645174553.1645136925234666953_1000x669.jpg)
Bu gün kişi voleybolçular arasında Azərbaycan Yüksək Liqasında II dövrənin ilk turu keçirilib. “Sərhədçi” İdman Olimpiya Mərkəzində baş tutan çempionatın VI turuna “Neftçi” “Murov” matçı ilə start verilib.
I dövrədə “Murov” klubuna qalib gələn “Neftçi” ikinci görüşdən məğlub ayrılıb. Tay-brekə kimi davam edən qarşılaşmada iki hissəni 25:23 və 29:27 hesabı ilə aktivinə yazan Pərviz Səmədovun komandası yekunda uduzub. “Murov” əzmkar oyun sayəsində növbəti 3 hissədə rəqibindən səhvsiz oynayaraq meydandan qalib ayrılıb - 3:2 (23:25, 27:29, 25:15, 25:23, 15:10).
Günün ikinci qarşılaşması MOİK və “Sərhədçi” komandaları arasında olub. Görüş MOİK-in 25:21 hesablı üstünlüyü ilə başlasa da, ikinci hissədə Qüdrət Məlikovun komandası 25:23 hesabı ilə qalib gəlib. Üçüncü və dördüncü setlərdə isə yenidən MOİK 25:12 və 25:18 hesabı ilə qələbə qazanıb – 3:1.
II dövrənin ilk turundan sonra MOİK 12 xalla turnir cədvəlində vahid liderliyə yüksəlib. “Murov” 11 xalla ikinci, onlardan 1 xal geri qalan “Neftçi” üçüncüdür. “Ekspress”in aktivində 3 xal olduğu halda, “Sərhədçi” hələ bu hesabı aça bilməyib.
Bənzər xəbərlər
![](/news/1721976945.IMG_2758.jpeg)
Bu gün Paris-2024 Yay Olimpiya Oyunlarının açılış mərasimi keçiriləcək
Bu gün Fransanın paytaxtı Parisdə XXXIII Yay Olimpiya Oyunlarının açılış ... Ətraflı
![](/news/1721977206.IMG_2759.jpeg)
Paris-2024: Boksçularımızın ilk rəqibləri bəlli olub
Paris-2024 Yay Olimpiya Oyunlarının boks yarışlarının püşkü atılıb. Püşkə əsasən ... Ətraflı