Azərbaycan üzgüçüləri Serbiyada 8 medal qazanıblar
17 dekabr 2023 171
Azərbaycan üzgüçüləri Ramil Vəlizadə, Rəşad Alquliyev və Əbdürrəhman Rüstəmov Serbiyanın Niş şəhərində gənclər arasında keçirilən beynəlxalq turnirdə səkkiz medal qazanıblar.
Dünya çempionatı və “Paris-2024” Yay Olimpiya Oyunlarına lisenziya xarakterli yarışda Ramil Vəlizadə 100 və 200 metr məsafələrə batterflay üsulunda üzmədə A finalında bütün rəqiblərini üstələyərək birinci olub. O, hər iki növdə turnirin rekordunu yeniləyib.
R. Vəlizadə 50 metr məsafəyə batterflay üsulu ilə üzmə yarışında isə gümüş medala sahib çıxıb.
Milli komandanın digər üzvü Rəşad Alquliyev 50 və 100 metr məsafələrə arxası üstə üzmədə A finalında üçüncü yeri tutub.
Əbdürrəhman Rüstəmov isə 200 metr məsafəyə batterflay üsulu ilə üzmədə B finalında qızıl, A finalında isə gümüş medal əldə edib.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı