Azərbaycan Universiadanı 38-ci pillədə başa vurub

08 avqust 2023 966

Azərbaycan Çinin Çendu şəhərində keçirilmiş XXXl Ümumdünya Yay Universiadasını 38-ci pillədə başa vurub.

İdmançılarımız yarışda 3 gümüş və 6 bürünc medal qazanıblar.

Bədii gimnastikada Zöhrə Ağamirova 2 gümüş və 1 bürünc medala yiyələnib.

Cüdoçulardan Rəşid Məmmədəliyev (73 kq) ikinci, Leyla Əliyeva (48 kq) və Yaşar Nəcəfov (66 kq) üçüncü yeri tutublar. Daha bir bürünc medalı kişilərdən ibarət cüdo millimiz qazanıb.

Taekvondoda Minayə Əkpərova (46 kq), avarçəkmədə Bəhmən Nəsiri də fəxri kürsüdə yer alıblar.

Qeyd edək ki, yarışda ümumilikdə 53 ölkə idmançıları medal qazanıblar. İlk üç pillədə Çin (103 qızıl, 40 gümüş, 35 bürünc), Yaponiya (21 qızıl, 29 gümüş, 43 bürünc) və Cənubi Koreya (17 qızıl, 18 gümüş, 23 bürünc) qərarlaşıb.

Bənzər xəbərlər

Bədii üzgüçülük üzrə Azərbaycan millisinə yeni məşqçi təyin olunub

Bədii üzgüçülük üzrə Azərbaycan millisinə yeni məşqçi təyin olunub.

Azərbaycan Üzgüçülük ... Ətraflı

Bakıda bədii gimnastika üzrə Dünya kubokuna yekun vurulub

Aprelin 17-19-da Milli Gimnastika Arenasında bədii gimnastika üzrə Dünya kuboku ... Ətraflı