Azərbaycan kikboksçuları V İslamiadanı 15 medalla başa vurublar
18 avqust 2022 705
Elvin Ağayev (full contact, 86 kq) finalda türk idmançısı Əmrah Yaşara uduzaraq gümüş medalla kifayətlənib.
Beləliklə, 24 idmançı ilə qatılan Azərbaycan kikboksçuları İslamiadanı 15 medalla başa vurublar. Bunlardan 3-ü qızıl, 5-i gümüş və 7-si isə bürünc medaldır.
Oyunlarda Bəhram Rəcəbzadə (low kick, +91 kq), Fərid Ağamoğlanov (full contact, 63,5 kq), Anar Məmmədov (low kick, 57 kq) qızıl, Rəhim Əliyev (low kick, 71 kq), Camal Məmmədov (full contact, 54 kq), Ramal Aslanov (low kick, 75 kq), Saqi Salehli (full contact, 75 kq), Elvin Ağayev (full contact, 86 kq) gümüş, Amil Məmmədov (full contact, 51 kq), Ramiz Məmmədov (full contact, 60 kq), Elxan Əliyev (full contact, 71 kq), Arzuman Qədimov (low kick, 63,5 kq), Qəşəm Məmmədov (low kick, 67 kq), Bəybala Quliyev (low kick, 86 kq) və Aysu Devrişova (56 kq) bürünc medala sahib olublar.
Qeyd edək ki, Azərbaycan kikboksinq millisinin bu il növbəti mötəbər yarışı da Türkiyədə olacaq. Belə ki, yığmamızı noyabrın 11-20-də Antalyada keçiriləcək Avropa çempionatı gözləyir.
Bənzər xəbərlər
MOK-da Olimpiya idman növləri üzrə federasiyalar üçün seminar keçirilib
Martın 29-da Milli Olimpiya Komitəsinin (MOK) inzibati binasında Olimpiya idman ... Ətraflı
Azərbaycanın daha 2 boksçusu "Böyük İpək Yolu" turnirində qızıl medal qazanıb
Bakıda təşkil edilən kişi boksçular arasında ənənəvi “Böyük İpək Yolu” ... Ətraflı