Azərbaycan güləşçiləri dünya çempionatının son günündə 3 medal qazanıblar

02 dekabr 2023 1344

Azərbaycan millisi Bakıda hərbçilər arasında keçirilən güləş üzrə dünya çempionatının son günündə 3 medal qazanıblar.

77 kiloqram çəki dərəcəsində mübarizə aparan Qurban Qurbanov finalda rusiyalı Aleksandr Babumaraya qalib gələrək dünya çempionu olub.

Yunan-Roma güləşçisi Nihad Quluzadə (60 kiloqram) iranlı Milad Reza Nejadı üstələyərək fəxri kürsünün ən yüksək pilləsinə qalxıb.

Laçın Vəliyev (87 kiloqram) isə final görüşündə İranın digər təmsilçisi Nasser Alizadeyə uduzaraq ikinci yerlə kifayətlənib.

Bu gün çıxış edən digər milli üzvlərindən Həsən Məmmədli (67 kiloqram) və Sərxan Məmmədov (130 kiloqram) medalsız qalıb.

Bununla da Azərbaycan güləşçiləri dünya çempionatını 21 medalla başa vurublar.

Bənzər xəbərlər

Azərbaycan Velosiped İdmanı Federasiyası (AzVİF) İcraiyyə Komitəsinin 4-cü iclasında "Bakı-Xankəndi" ... Ətraflı

Azərbaycanın xizək alpinizmi üzrə yeniyetmə idmançıları Türkiyənin Kayseri şəhərində təşkil ... Ətraflı