Beynəlxalq Olimpiya Komitəsinin Olimpiya Həmrəyliyi Proqramının dəstəyi ilə Milli Olimpiya Komitəsi və Azərbaycan Atletika Federasiyası İstedadlı atletlərin təyin olunması layihəsi çərçivəsində ikinci rayonda tədbir keçirib. Bu dəfə Şamaxı şəhəri 2 saylı orta məktəbdə atletika üzrə 3 müxtəlif növdə (30 metrəyə qaçış, top atma və uzunluğa tullanma) uşaqların bacarıqları sınaqdan keçirilib. 50 uşaq (25 qız, 25 oğlan) arasında keçirilən yarışda ümumi nəticələr üzrə 3 növün cəminə görə 10 qız və 10 oğlan həmçinin, hər növ üzrə ayrı-ayrılıqda qalib və mükafatçılar müəyyən olunub. İştirakçılar sertifikatlarla təltif olunub və qaliblər mükafatlandırılib. Layihə çərçivəsində xüsusi ekspert qrupunun daha 3 müxtəlif rayona səfəri planlaşdırılıb. Yarışlardan əldə olunan nəticələrə əsaslanan ekspert qrupunun üzvləri uşaqların atletikaya olan marağını yüksək qiymətləndirir.