Avropa Kuboku: Azərbaycanın iki boksçusu bürünc medalı təmin edib
12 oktyabr 2023 348
Monteneqronun Budva şəhərində keçirilən boks üzrə Avropa Kubokunun dördüncü günündə Azərbaycan millisinin daha 2 üzvü qələbə qazanıb.
İlk görüşündə Bartumey Roskoviçi (Polşa) mübarizədən kənarlaşdıran Malik Həsənov (63,5 kiloqram) 1/4 finalda fransalı Lunes Hamrauini sınağa çəkib. Qarşılaşma Azərbaycan təmsilçisinin inamlı qələbəsi ilə başa çatıb.
M. Həsənov yarımfinala yüksəlməklə özü üçün azı bürünc medalı təmin edib. İdmançı 3-cü döyüşündə israilli Ahmat Ştivi ilə üz-üzə gələcək.
75 kiloqramda Mirşərif Kazımzadə də yarımfinala yüksəlməklə özü üçün ən azı 3-cü yeri təmin edib. Boksçu 1/4 finalda Qabriel Debaniçə (Xorvatiya) qalib gəlib. O, döyüşü 5:0 (30:27, 30:27, 30:27, 29:28, 29:28) hesabı ilə aktivinə yazıb. M. Kazımzadə finala gedən yolda rusiyalı Cambulat Bijamovla münasibətinə aydınlıq gətirəcək. Yarımfinal görüşləri oktyabrın 13-də olacaq.
Qeyd edək ki, 29 ölkədən 156 idmançının qatıldığı yarışın beşinci günündə Azərbaycanın 3 boksçusu rinqə çıxacaq. Tayfur Əliyev (60 kiloqram) Arşak Tovmasyanla (Rusiya), Nəbi İsgəndərov (67 kiloqram) Canluici Malanqa (İtaliya) ilə və Sərxan Əliyev (71 kiloqram) isə Miroslav Kapulerlə (İsrail) gücünü yoxlayacaq.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı