Görüşün əvvəlində cüdo, güləş, taekvondo və qılıncoynatma növlərində idmançılarımızın son bir ayda qazandıqları uğurları əks etdirən videoçarx nümayiş etdirilib.

İdmançıları salamlayan nazir Fərid Qaybov onları qazandıqları nailiyyətlər münasibətilə təbrik etdib. Bildirib ki, hər dəfə belə görüşlərə dəvət olunan idmançıların sayı daha da çoxalır. Bu isə qazanılan uğurların artmasının bariz nümunəsidir: “Uğur asan başa gəlmir. Hər medalda bir çox insanın zəhməti var. Yarışlar zamanı sizinlə həyəcanlanır, hər birinizin uğuruna sevinirik”.

Görüşdə iştirak edən idmançılar çıxış etdikləri yarışlar və qazandıqları qələbələr barədə məlumat veriblər. Yığma komandaların məşqçiləri isə idmançılarımızın hazırlıq prosesi və uğurları barədə danışıblar.