6-9 dekabr tarixlərində kikboksinq üzrə yeniyetmələr, gənclər və böyüklər arasında Azərbaycan Kuboku yarışı təşkil olunacaq
30 noyabr 2022 691
Azərbaycan Kikboksinq Federasiyasının mətbuat xidmətinin məlumatına görə, yarış üçün qeydiyyat artıq başlayıb. Qeydiyyat prosesi 4 dekabr 23:59-dək davam edəcək.
5 dekabrda yeniyetmə və gənclərin, 7 dekabrda isə böyüklərin çəkiölçmə mərasimi keçiriləcək. Yeniyetmələr (2007-2008) "Low kick", gənclər (2005-2006) və böyüklər (18 yaşı tamam olmuş) "Low kick" və "Full contact" qaydalarına uyğun olaraq yarışacaqlar.
Qeyd edək ki, Bakı İdman Sarayında keçiriləcək yarış növbəti il üçün yeniyetmə və gənclər, eləcə də böyüklərdən ibarət millinin heyətini müəyyənləşdirmək üçün nəzərdə tutulub. Gələn il uşaq, yeniyetmə və gənclərin Avropa çempionatı Türkiyənin İstanbul şəhərində (25 avqust – 3 sentyabr) və böyüklərin dünya çempionatı Portuqaliyanın paytaxtı Lissabonda (noyabr) keçiriləcək.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı