Türkiyənin Konya şəhərində keçirilən yarışda Azərbaycan millisi birinci yer uğrunda görüşdə meydan sahibi Türkiyəyə 3:2 hesabı ilə qalib gəlib. 

Xatırladaq ki, bu gün Azərbaycanın qadın cüdo millisi isə bürünc medala sahib olub. 

Qeyd edək ki, kişi cüdo millisi 2017-ci ildə Bakıda keçirilmiş IV İslam Həmrəyliyi Oyunlarının da qalibi adına layiq görülüb. 

Xatırladaq ki, V İslam Həmrəyliyi Oyunlarında 56 ölkədən 4 mindən çox atlet idmanın 24 növü üzrə 483 dəst medal uğrunda mübarizə aparır. İslamiada avqustun 18-dək davam edəcək.