Azərbaycanın voleybol millisi beynəlxalq turnirdə mübarizəyə başlayır
20 noyabr 2023 352
Bu gün 18 yaşadək voleybolçu qızlar arasında Şərqi Avropa Zonal Assosiasiyası (EEVZA) çempionatı start götürəcək.
Latviyanın Dauqavpils şəhərində təşkil olunan yarışın ilk günündə Azərbaycan komandasının rəqibi meydan sahibi Latviya millisidir. Oyun Bakı vaxtı ilə saat 22:00-da başlayacaq.
Noyabrın 26-dək davam edəcək çempionatda Azərbaycan yığması Gürcüstan, Ukrayna, Litva, Estoniya və Polşa komandalarına qarşı da mübarizə aparacaq.
Qeyd edək ki, Şahin Çatmanın rəhbərlik etdiyi milli komandaya 14 idmançı cəlb edilib. Yığmanın heyətində yer alan voleybolçular ilk dəfədir ki, beynəlxalq yarışda iştirak edirlər.
“Avro-2024”ə seçmə xarakteri daşıyan yarışın reqlamentinə əsasən, çempion qitə birinciliyinin final mərhələsinə vəsiqə əldə edəcək.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı