Atletika üzrə yeniyetmələr arasında qış Azərbaycan birinciliyinə start verilib
16 fevral 2024 133
Gənclər və İdman Nazirliyi və Azərbaycan Atletika Federasiyasının təşkilatçılığı ilə yeniyetmələr arasında qış Azərbaycan birinciliyinə start verilib.
Respublika Olimpiya Mərkəzində keçirilən yarışda paytaxt təmsilçiləri ilə yanaşı, Gəncə, Naxçıvan, Mingəçevir, Quba, Xaçmaz, Xızı, İsmayıllı, Beyləqan, Bərdə, Naftalan, Gədəbəy, Balakən və Astaradan 180 atlet mübarizə aparır. Azərbaycan birinciliyi bu yay Slovakiyada keçiriləcək U 18 Avropa çempionatı, Sloveniyada təşkil olunacaq U 18 Balkan çempionatı və gələn il ölkəmizin ev sahibliyi edəcəyi MDB Oyunlarına seçim xarakteri daşıyır.
2 gün davam edəcək yarışda müxtəlif məsafələrə qaçış, sədlərlə qaçış, estafet, hündürlüyə tullanma, uzunluğa tullanma, üç təkanla tullanma və nüvə itələmə üzrə qaliblər müəyyənləşəcək.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı