Yeniyetmə cüdoçulardan ibarət millimiz 10 ildən sonra dünya çempionatında qızıl medal qazanıb
23 avqust 2023 217
Xorvatiyanın paytaxtı Zaqrebdə keçirilən Dünya çempionatının ilk günündə cüdoçularımız yüksək performans nümayiş etdirərək komandanın aktivinə bir dəst medal yazdırıblar.
Oğlanlar arasında 50 kiloqram çəki dərəcəsində cüdoçularımız Məhəmməd Məmişov və Nihad Məmişov bütün rəqiblərini geridə qoyaraq, finalda üz-üzə gəliblər. Yekunda N.Məmişov qalib gələrək fəxri kürsünün ən yüksək pilləsinə qalxıb. M.Məmişov isə gümüş medalla kifayətlənib.
Bununla da Azərbaycanın yeniyetmələrdən ibarət milli komandası 10 ildən sonra dünya çempionatında qızıl medal əldə edib (yalnız 2013-cü ildə Natiq Qurbanlı yeniyetmələr arasında dünya çempionu titulunu qazanıb).
55 kiloqram çəki dərəcəsində yarışan Mirxaliq İskəndərov isə üçüncü yer uğrunda görüşdə fransalı Adrian Mivovana qalib gələrək bürünc medala sahib çıxıb.
Qeyd edək ki, idmançılar 23-26 avqust tarixlərində fərdi, 27 avqustda isə komanda yarışlarında iştirak edəcəklər.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı