Üzgüçülərimiz Rusiyada 9 medal qazanıblar
06 may 2024 65
Azərbaycan üzgüçüləri Rusiyanın Kazan şəhərində universitetlər arasında keçirilən “Rektor Kuboku” turnirində 9 medal qazanıblar.
Bu barədə Azərbaycan Üzgüçülük Federasiyasının mətbuat xidmətindən məlumat verilib. Təmsilçilərimizin qazancı 2 qızıl, 4 gümüş və 3 bürünc medal olub.
Azərbaycan üzgüçüsü Əbdürrəhman Rüstəmov 200 m ve 50 m batterflyay üsulunda qızıl, 100 m batterflyay, 200 m qarışıq və 200 m sərbəst üsulda gümüş medala sahib çıxıb.
Digər idmançımız Rəşad Alquliyev 200 m qarışıq üsulda bürünc medalla kifayətlənib. Qadınların yarışında Fatimə Alkərəmova 200 m sərbəst üsulda 2-ci, 100 m sərbəst üsulda və 200 m qarışıq üsulda 3-cü yeri tutub.
Həftəsonu 50 metrlik “Burevestnik” üzgüçülük hovuzunda Rusiyanın 32 regionundan 1084 idmançı və Azərbaycandan olan komanda, o cümlədən 15 universitet təmsilçiləri mükafatlar uğrunda mübarizə aparıblar.
Bənzər xəbərlər
Azərbaycan ilk dəfə Xizək Alpinizmi üzrə Dünya Kubokuna ev sahibliyi edəcək
Azərbaycan Qış İdman Növləri Federasiyası tərəfindən Xizək Alpinizmi üzrə Dünya ... Ətraflı
Azərbaycan boksçuları Macarıstanda 2 medal qazanıblar
Macarıstanın Eger şəhərində gənc boksçular arasında beynəlxalq turnirə yekun vurulub.
Azərbaycan ... Ətraflı