Turan Daşdəmirov Avropa çempionatının finalında
13 iyun 2023 257
Albaniyanın paytaxtı Tiranada güləş üzrə U-17 Avropa çempionatı davam edir.
İkinci yarış günündə 45, 51, 60, 71 və 92 kq-da yer alan yunan-Roma güləşçiləri xalçaya çıxıb.
Turan Daşdəmirov (45 kq) yunanıstanlı Atanasios Tsinias (9:0), gürcüstanlı Jaba Bolkvadze (9:1) və ermənistanlı Yurik Mxitaryan (8:0) üzərində inamlı qələbə qazanaraq finala yüksəlib. Həmyerlimiz həlledici görüşdə rusiyalı Rüstəm Abatsiyevlə qızıl medal uğrunda mübarizə aparacaq.
Mübarizəyə 1/4 finaldan qoşulan Əli Seyidəlili (51 kq) fransalı Nolan Pissoçeri çətinliklə üstələyib - 2:1. Yarımfinalda isə macarıstanlı Peter Totok keçilməz olub - 0:5. Seyidəlili bürünc medal uğrunda güləşəcək. Rəqib Maksim Zaxarov (UWW) – Edqar Juharyan (Ermənistan) görüşünün qalibi olacaq.
Nurlan İbadzadə (60 kq) sloveniyalı Reno Simunkoviçə tam üstünlüklə (8:0) qalib gəlsə də, 1/4 finalda belaruslu Kiril Valeuskiyə "tuş"la məğlub olub. İbadzadə təsəlliverici görüşdə fransalı Bilel Qarbiylə qarşılaşacaq.
Cavidan Nehmətov (71 kq) debütdə rumıniyalı Andrey Olteanuya gücünü göstərib - 8:0. Ancaq 1/8 finalda serbiyalı Oqnyen Todosiyeviçlə bacarmayıb - 4:8.
Mikayıl İsmayılov (92 kq) xorvatiyalı Andrey Rodinə 8:0 hesabıyla qalib gələrək 1/4 finala yüksəlsə də, rusiyalı Saypula Qadjimaqomedova 0:4 hesabıyla uduzub. İsmayılov təsəlliverici görüşdə serbiyalı Stefan Kojiçlə üz-üzə gələcək.
Təsəlliverici görüşlər və medallar uğrunda qarşılaşmalar iyunun 14-də keçiriləcək.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı