Xəbərlər

Tokio Olimpiadasının Təşkilat Komitəsinin rəhbəri istefa verib

12 fevral 2021 322

Yaponiyanın paytaxtı Tokioda keçiriləcək Yay Olimpiya Oyunlarının Təşkilat Komitəsinin rəhbəri Yosiro Mori istefa verib. 84 yaşlı funksioner bu barədə yerli mətbuata açıqlamasında bildirib. O, yayda olimpiadanın keçirilməsini vacib hesab edib: “Bu proses mənim iştirakım olmadan daha rahat keçəcək“.


Onu bu postda sabiq futbolçu, Tokiodakı Olimpiya kəndinin meri Saburo Kavabutinin əvəzləyəcəyi gözlənilir.


Xatırladaq ki, Tokio Yay Olimpiya Oyunları koronavirus pandemiyası ilə əlaqədar 2020-ci il 24 iyul – 9 avqustdan bu il 23 iyul – 8 avqusta təxirə salınıb.