Sabah Şəriəti Paris-2024-ü medalsız başa vurdu

06 avqust 2024 645

Paris-2024 Yay Olimpiya Oyunlarında yunan-Roma güləşi üzrə üçüncü yer uğrunda görüşlərə start verilib.

130 kq çəki dərəcəsində mübarizə aparan pəhləvanımız Sabah Şəriəti də üçüncü yer uğrunda görüşə çıxıb.

Həlledici mərhələdə idmançımızın rəqibi iranlı Amin Mirzəzadə olub. Görüş rəqib idmançının 4:0 hesablı qələbəsi ilə başa çatdığından güləşçimiz Paris-2024-ü medalsız başa vurub.

Qeyd edək ki, Sabah Şəriəti 1/8 finalda estoniyalı Heyki Nabiyə, növbəti mərhələdə isə qazaxıstanlı Alimxan Sızdıkova qalib gəlsə də yarımfinalda kubalı dördqat Olimpiya, beşqat dünya çempionu Mixain Lopesə məğlub olub.