Bu gün Səudiyyə Ərəbistanının paytaxtı Ər-Riyadda VI İslam Həmrəyliyi Oyunları çərçivəsində keçirilən yunan-Roma güləşi yarışlarına start verilib. 

Olympic.az xəbər verir ki, ilk yarış günündə 4 idmançımız xalça üzərinə çıxıb. Təmsilçilərimizdən Həsrət Cəfərov (67 kq) uğurla çıxış edərək finala vəsiqə qazanıb. Olimpiya mükafatçımız yarımfinalda misirli Mohamed Abdelrehimə 4:1 hesabı ilə qalib gələrək yarıminala vəsiqə qazanıb. 

Bu gün mübarizəyə başlayan digər təmsilçilərimizdən Nihat Məmmədli (60 kq) 1/4 finalda özbəkistanlı Alişer Qaniyevə 3:0 hesabı ilə məğlub olub. Digər pəhləvanımız Ülvü Qənizadə 1/8 finalda iranlı Amir Abdiyə uduzub - 0:9. Rəqibi finala vəsiqə qazandığı üçün Ü.Qənizadə təsəlliverici görüşdə iştirak edəcək.

87 kq çəki dərəcəsində mübarizə aparan İslam Abbasov isə 1/4 finalda iranlı Qulamreza Faroxisencaniyə 3:0 hesabı ilə məğlub olub.