Paris-2024 Yay Olimpiya Oyunlarında iştirak edəcək Azərbaycan cüdoçuları müəyyənləşib.

Azərbaycan Cüdo Federasiyasının mətbuat xidmətindən verilən məlumata görə, ölkəmizi cüdo yarışlarında 9 çəki dərəcəsi üzrə 2 qadın və 7 kişi idmançı təmsil edəcək.

Qadınların yarışında Leyla Əliyeva (48 kq) və Gültac Məmmədəliyeva (52 kq) qüvvəsini sınayacaq.

Kişilərdən ibarət heyətdə isə Balabəy Ağayev (-60 kq), Yaşar Nəcəfov (-66 kq), Hidayət Heydərov (-73 kq), Zelim Tçkayev (-81 kq), Elcan Hacıyev (-90 kq), Zelim Kotsoyev (-100 kq) və Uşangi Kokauri (+100 kq) yer alıblar.

Qeyd edək ki, Paris Olimpiadası iyulun 26-dan avqustun 11-dək təşkil olunacaq.